NRMP
DFPTQ កំពុងអនុវត្តកម្មវិធីជាតិតាមដានសំណល់ឱសថវារីសត្វ និងសារធាតុគីមីក្នុងវិស័យវារីវប្បកម្ម (NRMP) ដើម្បីតាមដាននិងត្រួតពិនិត្យ មើលសំណល់ឱសថវារីសត្វ (VMPs) និងសារធាតុគីមីបំពុលបរិស្ថានដែលមានក្នុងផល ផលិតផលជលផលពីកសិដ្ឋានវារីវប្បកម្មនៅកម្ពុជា។ ផែនប្រមូលសំណាកគំរូគឺផ្អែកលើការប្រមូលសំណាកគំរូអប្បបរមាពីកសិដ្ឋានដែលរួមបញ្ជូលទាំងប្រព័ន្ធបែងចែកដាច់ដោយឡែក អនុលោមតាមបទបញ្ញត្តិលេខ ២០២២/២២៩២ របស់សហភាពអឺរ៉ុប ដោយផ្អែកលើឯកសារយោងលេខ ២០ ផ្អែកលើទិដ្ឋភាពដូចខាងក្រោម៖
- សារធាតុក្រុម A៖ យក ១សំណាក សម្រាប់ផល ៣០០ តោន
- សារធាតុក្រុម B៖ យក ១សំណាក សម្រាប់ ៣០០ តោន
- សារធាតុពុលក្នុងបរិស្ថាន៖ យក ១សំណាក សម្រាប់ ៧០០ តោន
- ថ្នាំសម្លាប់កត្តាឬសត្វចង្រៃ៖ សំណាកត្រូវយកផ្អែកតាមការវាយតម្លៃហានិភ័យ
គោលបំណងរបស់កម្មវិធី NRMP៖
- ស្វែងរកការប្រើប្រាស់ឱសថវារីសត្វហាមឃាត់ខុសច្បាប់
- ស្វែងរកការប្រើប្រាស់ឱសថវារីសត្វដែលមិនអនុញ្ញាត ឬការប្រើប្រាស់មិនបានត្រឹមត្រូវនៃឱសថវារីសត្វដែលអនុញ្ញាត
- ប្រមូលទិន្នន័យពាក់ព័ន្ធគាំទ្រដល់ការគ្រប់គ្រងនិងប្រើប្រាស់ឱសថវារីសត្វក្នុងផលិតផលម្ហូបអាហារដែលមានប្រភពពីសត្វប្រកបដោយទំនួលខុសត្រូវ
កម្មវិធី NRMP អនុវត្តជារៀងរាល់ឆ្នាំ (ចន្លោះពីខែមីនា-មេសា) ខណៈដែលចំនួនសំណាក ទីតាំងយកសំណាក និងប៉ារ៉ាមែត្រតេស្ត
ត្រូវប្រមូលយកជារៀងរាល់ឆ្នាំផ្នែកលើបរិមាណផលិតកម្មរបស់កសិដ្ឋានវារីវប្បកម្មដែលចូលរួមអនុវត្តកម្មវិធី និងលទ្ធផលត្រួតពិនិត្យពីឆ្នាំមុន ទាក់ទងនឹងការប្រើប្រាស់ឱសថវារីសត្វហាមឃាត់និងអនុញ្ញាត ។
ការប្រមូលសំណាកនិងធ្វើតេស្តប្រចាំឆ្នាំរបស់កម្មវិធី គឺផ្អែកលើកត្តាមួយចំនួនដូចខាងក្រោម៖
- វត្តមានឬហានិភ័យនៃសារធាតុគីមីខុសច្បាប់នៅលើទីផ្សារ
- ហានិភ័យនៃការប្រើប្រាស់សារធាតុគីមីអនុញ្ញាតមិនបានត្រឹមត្រូវ
- ហានិភ័យនៃការបំពុលបរិស្ថាននៅទីតាំងកសិដ្ឋាន (ទឹកដែលប្រើក្នុងកសិដ្ឋាន ក្បែរទីតាំងជីកយករ៉ែ ។ល។)
- លទ្ធភាព និងសមត្ថភាពក្នុងការធ្វើតេស្ត
- លទ្ធផលនៃការធ្វើសំណាក និងតេស្តពីឆ្នាំកន្លងទៅ
- តម្រូវការដោយទីផ្សារជាក់លាក់ណាមួយ
- ច្បាប់ និងបទបញ្ញត្តិពាក់ព័ន្ធរបស់កម្ពុជាស្តីពីការអនុញ្ញាត្តឱ្យចរាចរណ៍ ចែកចាយ និងប្រើប្រាស់ឱសថវារីសត្វក្នុងផលិតផលដែលមានប្រភពពីវារីសត្វ
- ច្បាប់និងបទបញ្ញត្តិកម្ពុជាស្តីពីថ្នាំកំចាត់សត្វល្អិតដែលហាមឃាត់ និងអនុញ្ញាត្ត